香港利物浦球迷俱樂部(官方球迷會)　Official Liverpool FC Supporters Club, HKSAR Branch

ANDY晏菲路遊記~

利物浦 vs 愛華頓(3-4-99)

0係2點10分，係一片英國著名既「woo」聲之下，愛華頓既球員首先出場熱身，3分鐘後呢? 就由麥馬拿文帶頭之下，利物浦球員出來熱身喇！(由於我坐 0係另外一面，所以相片內既球員影得比較細！)

睇緊波期間都唔得閒影相，同埋我坐個位比較高，所以冇乜影相！只係有兩次麥馬拿文番來協助防守， ZOOM到盡影既！其中麥馬拿文係龍門柱個張，大家睇下macca件衫，係短袖定長袖呢?

呢張大家知唔知係咩呀？就係追成1：1 0個球12碼！科拿就係射完走去「追龍」，根住出事！

球証吹雞，利物浦贏左近幾年其中一場漂亮既打比！大家睇下恩斯隊長舉起手臂幾神氣！不過，佢臂上既 captain armband 都要比列納lu‧‧‧

呢張係球場外影既，背後係球會專賣店，大家見唔見個0的復古版既球衣呀？我都想買，可惜已經賣斷市。我身旁個銅像係邊個呢？有個「Bill」字‧‧‧ 它就係Bill Shankly既銅像喇！希望侯利亞快 0的帶利物浦番去Bill Shankly 0個陣咁威啦！

睇個背，睇下0的頭髮，都知係貝加啦！不過佢冇同過球迷簽名咁滯！

記唔記得希瑾個場波傷左，跟住換入謝拉特呀？希瑾賽後要用拐杖走架，不過佢可能斷左腳，心情唔好，我記得當佢出來時，佢好兇惡咁望 0的球迷，我都唔敢行埋佢度影相！

佢個樣幾得人驚！但係對球迷好「nice」，幫好多球迷簽名。我都企到埋去影下！好好笑， 0的細路一見到Song，就大聲叫「Song, I sing a song for you...」。

呢張最清，不過冇咩特別！

最開心就係呢張占士係個日我見既球員最「nice 」0個個，我行埋佢叫佢簽名，佢就企定定係我件天蠶衣度簽名！跟住我話同佢影相，佢都好樂意笑笑口咁影！大家覺唔覺佢笑得好熟呀？通常佢接波甩手之後，都係呢種笑容架，不過大家唔駛驚，以後 0係晏菲路頂多一年見一次 0者！不過我都真係好開心，起碼同到一個利物浦球員影到相！我影完相仲同佢講：「James, you've made so many good save today. I think you will be the England No.1 in the future!」跟住佢就笑笑口同佢個女玩，開車走lu...我諗佢要做England No.1，就真係要努力喇！

後記：

呢 0的相係我踢完場波之後，由5點至7點呢兩個鐘影既。其實期間仲有見到其他球員，包括加歷查、湯臣、鄧迪‧‧‧ 但唔見科拿，奧雲同列納！我最失望係同唔到麥馬拿文影相。佢出來既時候，有成30個球迷圍住佢，佢冇楂車，所以叫左架的士。佢只係幫個小球迷係個波度簽名，我係佢隔離，佢首先叫 0的球迷小心 0的「Watch yourself!」， 2秒後，佢簽左一半就話「I can't sign」。但係太逼喇，逼到佢好唔耐煩，最後臨上的士 0個陣就講左句「FXXX Off!」‧‧‧ 不過對於我來說，可以咁近望過佢見過佢，我都無憾囉！

By Andy Siu

以上圖片如未經當時人同意，請勿轉載！