利迷論壇 » 聊天茶座 » 作為父母, 點睇香港前境? 如果有得選擇移民, 你會點選擇?

頁: [1] 2 3 4 5 6 7

ruudi8/12/2018 04:17
作為父母, 點睇香港前境? 如果有得選擇移民, 你會點選擇?

我由中學雞, 上PERTELO FORUM 跟埋黎呢度, 轉個眼都有廿年。 由中學雞到而家有兩個小朋友。

唔知多唔多網友好似我咁而經生左一兩件??:hehe

其實如果我無兒無女, 我幾喜歡香港的, 但有兩個小朋友, 考慮就多左。

大家點睇小朋友留在香港的前境? 如激烈競爭的大學/ 高樓價/ CHUR到盡的工作環境/定將來同祖國一齊收皮

如果有得選, 作為父母會唔會考慮移民?

背景:
我同老婆在港工作算入息OK/工作算穩定

但如果移民(去英國啦), 只可以做超市/WAITER類 (唔預做返寫字樓)

外國亦有歧視問題, 小朋友長大後在工作發展上亦會遇上Glass ceiling/同收入未必比得上香港 (即移完民佢地可能最終會返香港做野, 我同老婆中年冇左份工返黎又可能做唔返之前個位)....咁諗落又好似拎黎攪

而家15/16, 想睇下如果其他父母有咩意見呢

LFC Fans8/12/2018 07:53
種族歧視全世界都有,就算香港現在又無咩?我意思係係職場上,外資就多數係鬼行先,中資就多數北方背景既行先,你現仍在職場,不會不覺吧?! 港資?還有多少? 再者,就我所見,有時外地果的「歧視」,有的我絕對認同係真的,但有的係自己問題多囉!有所謂「入鄉隨俗」,但如果有的人,例如[u]部份[/u]強鄰(強調:不是全部),係都唔跟下人地既生活習慣,待人接物亦完全不知尊重為何物,自己人都「歧視」你啦!係嘛?

其實考慮下適唔適應仲好,但呢的野好個人化,有的朋友,佢係唔適應就唔適應,點都無計,呢的唯有留港啦!但另有一的,係外地生活全無問題,仲不知幾開心,你睇下倪匡兩公婆就知,倪匡都不知幾鍾意在美時既生活,但佢老婆點都係唔適應,倪匡無奈,住左多年都唯有回流。

我有朋友 30 年前隨家移民美國(內華達),佢當時已經廿歲人,但佢生活一年後,都係唔適應,結果自己放棄,回港自己生活,反而佢家人係果邊都唔知幾開心。又另有一親戚,兩公婆廿幾年前移民洛杉磯,佢既小朋友當時 10 幾歲去到果邊又係唔知幾開心,兩公婆亦都好適應,但偶然仍想回港一聚,反而個仔就完全「樂不思蜀」,但佢兩公婆近年都已少回港,皆因覺得現在的香港已經找不到舊時的感覺。

講到尾,際遇既野,大家可以點計算喎?你地自己覺得 OK 就過去啦!小朋友既野,第二時佢大左,佢會自己搵自己既路架喇!如果到時佢地覺得當地唔岩佢,自己會搵地走架啦,我地唔使、亦唔好同佢地想太多、太遠喇。

[[i] 本文章最後由 LFC Fans 於 9/12/2018 04:38 編輯 [/i]]

Aussie8/12/2018 10:05
[quote]原文章由 [i]LFC Fans[/i] 於 8/12/2018 17:53 發表
種族玟‘鰼j鄰(強調:不是全部),係都唔跟下人地既生活習慣,待人接物亦完全不知尊重為何物,自己人都「歧視」你啦!係嘛?

其實考慮下適唔適應仲好,但呢的野好個人化,有的朋友,佢係唔適應就唔適應,點都 ... [/quote]

啱,好多歧視都係因為入鄉唔隨俗。

樓主講得移民,應該有咁H家底,既然有錢H就大把選擇。

同埋仔女幾大先?如果好細個 可以過多幾年先再諗。

elongation8/12/2018 15:05
講經濟前境唔會好差,大陸好多資產係香港,佢唔會想香港死
不過慢慢差就唔奇

不過個人都係悲觀,因為上面會繼續買香港的產業
另一個目標就將香港人迫走
隨著物價上升,本地窮人就會生存唔到迫上大陸
最壞情況:遲d大部分港島都係大陸人住,再之後就係九龍
社會已經唔係廣東話主導
咁到時仲接唔接受咁嘅香港呢?

如果樓主有錢,不如中學時試下送仔女去外國讀書
睇下佢鍾唔鍾意
都係一個辦法

ruudi8/12/2018 15:16
[quote]原文章由 [i]Aussie[/i] 於 8/12/2018 18:05 發表


啱,好多狀陘J鄉唔隨俗。

樓主講得移民,應該有咁H家底,既然有錢H就大把選擇。

同埋仔女幾大先?如果好細個 可以過多幾年先再諗。 [/quote]

就係冇家底。。。一般公屋家庭成長,係老婆有居英權JAR。。。

就係而家係公一份婆一份,供樓加埋小朋友讀書,一個月都冇咩錢剩o個隻,就係怕做錯決定大鑊JAR
:XD

ruudi8/12/2018 15:18
有冇人係英國生活過?有冇分享下?
例如D人係咪好憎華人?
讀書怕唔怕比人蝦之類?

Aussie9/12/2018 03:31
[quote]原文章由 [i]ruudi[/i] 於 9/12/2018 01:18 發表
有冇人係英國生活過?有冇分享下?
例如D人係咪好憎華人?
讀書怕唔怕比人蝦之類? [/quote]

其實大把華人住响外國,真係咁憎華人H話啲華人一早走咗。

我住向澳洲 好多人向網上話澳洲歧視好重 我自己又唔覺

LFC Fans10/12/2018 02:21
[quote]原文章由 [i]Aussie[/i] 於 9/12/2018 11:31 發表
其實大把華人住响外國,真係咁憎華人H話啲華人[color=Red]一早「走咗」[/color]。

我住向澳洲 好多人向網上話澳洲歧視好重 我自己又唔覺 [/quote]

係,我甚至會話,如果外地真係個個都咁憎華人,個個都恰到華人死既話,華人直情一早「走哂」添啦!

樓主,唔係話呢個世界無種族歧視,甚至香港本身,又或內地,南北之間,都有唔少問題啦!然而,亦唔好諗到呢個世界處處都係咁極端。

如果有機會同情況許可,樓主不妨自己一家人去英國少住 10 天半月,自己初步感受一下先,如果有親友在當地做「盲公竹」就更好了,雖然這樣短的時間好難有太深感受,但總好過完全沒去過。

至於香港未來,可以肯定的是,我地以前經歷的,也就是「以前的歷史」,已經過去了,以前的香港已經完成左歷史任務的了,跟下來的就是新的一頁,也就是會漸漸變得和內地一樣,這是肯定的了。

[[i] 本文章最後由 LFC Fans 於 10/12/2018 10:31 編輯 [/i]]

orminghon10/12/2018 02:35
[quote]原文章由 [i]Aussie[/i] 於 9/12/2018 11:31 發表


其實大把華人住响外國,真係咁憎華人H話啲華人一早走咗。

我住向澳洲 好多人向網上話澳洲歧視好重 我自己又唔覺 [/quote]

的確唔算嚴重,特別係職場更少
當然,你話一間公司去到最高層,唔多唔少會想請返自己友就真

但問題係你可唔可以比人感覺到你係自己友...
我見過好多人因為自己英文唔算好 (其實以香港人黎計係好好,但始終係有口音加上同當地人冇得比,返工一般會話唔會太覺,但閒談時就會好明顯有分別,最起碼,用英文攪唔到GAG,已經差好遠),本身文化生活習慣又同人地唔同,咁人地又點當你自己人呢?

於是乎人地唔請,就話人地歧視....
但其實人地唔係歧視緊你,而係有得揀緊係揀個溝通到/易溝通既

我自己有朋友係澳州土生土長既華人,中文都唔多識講那種,佢地在求職求學等等其實都冇乜問題,搵工的確唔易,但唔係因為歧視,而係因為本身那邊係難少少搵工...:hyper

[[i] 本文章最後由 orminghon 於 10/12/2018 10:37 編輯 [/i]]

阿舜10/12/2018 02:48
可能我同樓主既背景差不多

係早幾年(尤其係雨傘革命時),的確好認真考慮同研究移民呢個問題,主要都係為小朋友打算
其實我又唔太擔心歧視,係美國,加拿大,澳洲,新西蘭都有親人移民當地,一直都無咩發生呢個問題

過左一輪,到呢兩年個諗法又靜左,唔再去成日計劃住

其實又無咩urgency,可以慢慢考慮同步署

LFC Fans10/12/2018 02:51
[quote]原文章由 [i]orminghon[/i] 於 10/12/2018 10:35 發表
的確唔算嚴重,特別係職場更少
當然,你話一間公司去到最高層,唔多唔少會想請返自己友就真

但問題係你可唔可以比人感覺到你係自己友...
我見過好多人因為自己英文唔算好 (其實以香港人黎計係好好,但始終係 ... [/quote]

我幾同意有個講法,「歧視」係「睇唔起」其他人一的無得揀既野,例如性別、種族、年齡、出身經歷…等等,例如對出身貧窮的歧視,你估我想出世就做窮人呀,我夠想做「官二代」兼「富二代」啦!

情況一如我地係香港,係其他方面十分接近底下,有個容易用粵語溝通既,當然會秤先的,但咁只應算係人地既優點,而唔係歧視囉!但如果係為左人地因成長地導至粵語唔夠理解力,便由此認為人地係低一的既話,就應該係歧視了。

[[i] 本文章最後由 LFC Fans 於 10/12/2018 11:19 編輯 [/i]]

orminghon10/12/2018 04:04
[quote]原文章由 [i]LFC Fans[/i] 於 10/12/2018 10:51 發表


我幾同意有個講法,「歧視」係「睇唔起」其他人一的無得揀既野,例如性別、種族、年齡、出身經歷…等等,例如對出身貧窮的歧視,你估我想出世就做窮人呀,我夠想做「官二代」兼「富二代」啦!

情況一如我地 ... [/quote]

其實情況我覺得甚至唔係睇唔起...
而係正常人心態...

已經唔講會唔會直接影響工作能力.... (其實會,你諗下,你係客,有個言論幽默風趣既人同你講野,同埋一個講野有口音,只會講好生硬詞彙既人同你講野,已經係兩個感覺..)

如果有得揀,你自己請人會揀邊個? (假設其餘能力一樣,甚至乎客觀上唔係NATIVE SPEAKER那個係好少少)
一個係NATIVE SPEAKER,講野同文化完全同你一樣,平時又可以吹下水
另一個唔係土生土長,講野有口音,而且文化唔同...平時吹水連搞個GAG都造唔到...

其實咁樣請唔請我覺得真係唔關歧視事,你唔會理個人係邊度長大..
重點係,請人緊係想請個易溝通到既,
有得揀大部份人會揀個風趣幽默既....


其實自己出黎做野都明...
有時候唔係話自己英文唔好,...但出到去,同其他分地區OFFICE既人嘈既時候,又的確係蝕底,最簡單係講野既反應唔夠人快,鬧人又冇咁到肉,情形係好似在一個客場比賽咁,點都會打折扣

所以眼見好多人話外國歧視,但真係歧視既,我認為只係少數,大部分情況,其實係語言不通,同埋係佢地自己融入唔到人地文化

阿舜10/12/2018 04:22
經過洋腸事件,我覺得係蘭桂方一帶地區歧視港男既情況應該幾嚴重

orminghon10/12/2018 05:48
[quote]原文章由 [i]阿舜[/i] 於 10/12/2018 12:22 發表
經過洋腸事件,我覺得係蘭桂方一帶地區歧視港男既情況應該幾嚴重 [/quote]

香港係同其他亞洲區一樣
外國人有股優越感

celtics3310/12/2018 05:49
我無小朋友, 兩公婆, 唔會諗住而家走, 但退休後, 就會想搵樹生意指數無咁高既地方生活(或旅居).....

celtics3310/12/2018 05:50
[quote]原文章由 [i]阿舜[/i] 於 10/12/2018 12:22 發表
經過洋腸事件,我覺得係蘭桂方一帶地區歧視港男既情況應該幾嚴重 [/quote]

除非你渣層樓出街....... 否則港女彩你都有味........

orminghon10/12/2018 05:55
[quote]原文章由 [i]celtics33[/i] 於 10/12/2018 13:49 發表
我無小朋友, 兩公婆, 唔會諗住而家走, 但退休後, 就會想搵樹生意指數無咁高既地方生活(或旅居)..... [/quote]


你好明顯係天生既生意奇材
退左休都搵個生意指數無咁高既地方生活:hyper


P.S. 如沒有小朋友,去返D無咁忙既地方退休真心正

celtics3310/12/2018 06:11
[quote]原文章由 [i]orminghon[/i] 於 10/12/2018 13:55 發表



你好明顯係天生既生意奇材
退左休都搵個生意指數無咁高既地方生活:hyper


P.S. 如沒有小朋友,去返D無咁忙既地方退休真心正 [/quote]

係架, 我天生就係奇才, 無咩野係難到我既......

耐人尋味10/12/2018 06:24
個 post 開始變做吹水 post :shy

阿舜10/12/2018 07:07
[quote]原文章由 [i]celtics33[/i] 於 10/12/2018 14:11 發表


係架, 我天生就係奇才, 無咩野係難到我既...... [/quote]
無野難到你咁你快D搵個地方做總統或者皇帝喇
咁到時衣食住行都可以幫我開公數痳

celtics3310/12/2018 07:29
[quote]原文章由 [i]耐人尋味[/i] 於 10/12/2018 14:24 發表
個 post 開始變做吹水 post :shy [/quote]

唔係架, 我真心討論既.........
(我係只會退休先會諗住長居外地, 主要睇生活指數)

celtics3310/12/2018 07:30
[quote]原文章由 [i]阿舜[/i] 於 10/12/2018 15:07 發表

無野難到你咁你快D搵個地方做總統或者皇帝喇
咁到時衣食住行都可以幫我開公數痳 [/quote]

第一個捉你同拉你去斬首.......

celtics3310/12/2018 07:32
雖然我無細路仔, 但我覺得將來既香港小朋友, 的確係無咁容易競爭, 一黎, 我覺得香港變得越黎越唔公平, 二黎, 有錢真係大哂既將來會係........

所以, 唯一話香港重係天堂既, 就只會係有錢既人專利........

所以, 都係比心機搵錢啦大家.......

阿舜10/12/2018 08:04
[quote]原文章由 [i]celtics33[/i] 於 10/12/2018 15:32 發表
雖然我無細路仔, 但我覺得將來既香港小朋友, 的確係無咁容易競爭, 一黎, 我覺得香港變得越黎越唔公平, 二黎, 有錢真係大哂既將來會係........

所以, 唯一話香港重係天堂既, 就只會係有錢既人專利........

所 ... [/quote]
if you cannot beat them, join them.

阿舜10/12/2018 08:07
地方既選擇,越來越對美加無興趣,歐洲亦唔會諗
相對上覺得澳紐既地方比較好

純粹以而家既感覺

orminghon10/12/2018 08:41
[quote]原文章由 [i]阿舜[/i] 於 10/12/2018 16:04 發表

if you cannot beat them, join them. [/quote]

JOIN到先得架..:hyper:hyper

香港呢個地方,只會貧富懸殊越黎越嚴重

orminghon10/12/2018 08:45
[quote]原文章由 [i]阿舜[/i] 於 10/12/2018 16:07 發表
地方既選擇,越來越對美加無興趣,歐洲亦唔會諗
相對上覺得澳紐既地方比較好

純粹以而家既感覺 [/quote]

美加澳紐黎計一向興趣不大..

歐洲本身只對德國及英國有興趣...
特別係出黎做野一兩年對移民去利巿有個幻想...但去完朝聖後就打消了:hyper

其實冷門少少新加坡都會係一個好選擇....起碼同香港既生活模式比較接近...但當諗到呢樹..又會覺得既然生活模式接近又點解要走呢...:hyper

celtics3310/12/2018 08:55
[quote]原文章由 [i]阿舜[/i] 於 10/12/2018 16:07 發表
地方既選擇,越來越對美加無興趣,歐洲亦唔會諗
相對上覺得澳紐既地方比較好

純粹以而家既感覺 [/quote]

澳紐既女仔靚D ?

celtics3310/12/2018 08:58
[quote]原文章由 [i]orminghon[/i] 於 10/12/2018 16:45 發表


美加澳紐黎計一向興趣不大..

歐洲本身只對德國及英國有興趣...
特別係出黎做野一兩年對移民去利巿有個幻想...但去完朝聖後就打消了:hyper

其實冷門少少新加坡都會係一個好選擇....起碼同香港既生活模式 ... [/quote]

我目標退休係去台灣/日本旅居, KEEP住香港層樓, 帶住筆錢, 去開開心心咁過埋餘生.......

台灣生活指數真係好抵玩, 食住都平, 而且重要係睇繁體字, 真心真係好親切........

我預期廿年後我老左, 住香港同住大陸分別唔大, 但香港使費實在太甘了.......

whatapunch10/12/2018 09:13
[quote]原文章由 [i]orminghon[/i] 於 10/12/2018 16:45 發表


美加澳紐黎計一向興趣不大..

歐洲本身只對德國及英國有興趣...
特別係出黎做野一兩年對移民去利巿有個幻想...但去完朝聖後就打消了:hyper

其實冷門少少新加坡都會係一個好選擇....起碼同香港既生活模式 ... [/quote]

插下咀先, 其實新加坡唔算冷門架. 有好多香港人o係新加坡做o野, 我一年會過去兩至三次休息, 搵到o野做都會想走.

我鍾意熱到出晒汗 :luf:luf

celtics3310/12/2018 09:17
[quote]原文章由 [i]阿舜[/i] 於 10/12/2018 16:04 發表

if you cannot beat them, join them. [/quote]

睇我就知我份人好講原則架啦........

orminghon10/12/2018 09:30
[quote]原文章由 [i]celtics33[/i] 於 10/12/2018 16:58 發表


我目標退休係去台灣/日本旅居, KEEP住香港層樓, 帶住筆錢, 去開開心心咁過埋餘生.......

台灣生活指數真係好抵玩, 食住都平, 而且重要係睇繁體字, 真心真係好親切........

我預期廿年後我老左, 住香港同 ... [/quote]

台灣同日本黎計...天災太密了....:crysad

orminghon10/12/2018 09:31
[quote]原文章由 [i]whatapunch[/i] 於 10/12/2018 17:13 發表


插下咀先, 其實新加坡唔算冷門架. 有好多香港人o係新加坡做o野, 我一年會過去兩至三次休息, 搵到o野做都會想走.

我鍾意熱到出晒汗 :luf:luf [/quote]

多人去那邊做野...
但真係定居既人唔算多... (反而台灣近年好多)


P.S. 其實唔鍾意熱,但新加坡係幾好住

whatapunch10/12/2018 09:44
[quote]原文章由 [i]orminghon[/i] 於 10/12/2018 17:31 發表


多人去那邊做野...
但真係定居既人唔算多... (反而台灣近年好多)


P.S. 其實唔鍾意熱,但新加坡係幾好住 [/quote]

睇你點定義定居啦, 做夠半年已經可以申請PR, 通常做滿三年交足稅就最易申請成功.

如果你話拎新加坡護照先當定居咁就可能唔多, 因為要放棄原國籍, 男人仲要服兵役.

orminghon10/12/2018 09:57
[quote]原文章由 [i]whatapunch[/i] 於 10/12/2018 17:44 發表


睇你點定義定居啦, 做夠半年已經可以申請PR, 通常做滿三年交足稅就最易申請成功.

如果你話拎新布鬼n放棄原國籍, 男人仲要服兵役. [/quote]


我所講係那種真係有心落地生根那種...

LFC Fans11/12/2018 01:36
[quote]原文章由 [i]耐人尋味[/i] 於 10/12/2018 14:24 發表
個 post 開始變做吹水 post :shy [/quote]

水版嘛! :luf

等我拉番去樓主個主題啦!其實點解只係用父母角度呢?因為想幫手子女安排?想畀個「好 d」既環境佢地?但又有無試下係佢地角度去諗,我地覺得好既,是否就係佢地喜歡既呢?

我唔係否定,只係希望引發大家用唔同角度去睇。

我自己來講,我有對我仔女講過我既睇法,但我同時對佢地講明:如果我真係咁叻,對將來咁有把握,咁我以前就應該對應番現在呢一刻做好哂野,現在應該都已飛黃騰達,但事實唔係。且就算係,呢的只係我既選擇,或者你地(即我仔同女)想要既都唔係呢的,大家價值取向不同,所以我唔會幫佢安排的咩,更唔會逼佢地去做咩,唯一可能算逼既,係盡可能畀多的生存技能佢地,即係可能會逼佢地去學多一的唔同既職場技能咁解。當然,我兩個「小朋友」都已分別 17、18,其實都唔再真係小朋友,就算我同佢地移左民,如佢地唔鍾意,都可以自己返香港或者去其他地方。

所以呢…,樓主,我都係一開始果句,你地兩公婆覺得想走就走啦!仔女既野,唔好諗太多、太遠喇。

阿舜11/12/2018 01:43
[quote]原文章由 [i]celtics33[/i] 於 10/12/2018 16:58 發表


我目標退休係去台灣/日本旅居, KEEP住香港層樓, 帶住筆錢, 去開開心心咁過埋餘生.......

台灣生活指數真係好抵玩, 食住都平, 而且重要係睇繁體字, 真心真係好親切........

我預期廿年後我老左, 住香港同 ... [/quote]
去高雄住喇,岩岩9合1選舉完,聽講會同大陸城市緊密聯繫,攪活經濟...........

耐人尋味11/12/2018 02:06
[quote]原文章由 [i]LFC Fans[/i] 於 11/12/2018 09:36 AM 發表


水版嘛! :luf

等我拉番去樓主個主題啦!其實點解只係用父母角度呢?因為想幫手子女安排?想畀個「好 d」既環境佢地?但又有無試下係佢地角度去諗,我地覺得好既,是否就係佢地喜歡既呢?

我唔係否定, ... [/quote]

我未結婚亦當然沒有小朋友, 所以本來唔打算加把口, 不過見你講開又可以分享下:

大約半年前, 已移民美國多年的中一班主任回港探親, 一班舊同學羅漢請觀音食晚飯. 我地中一時佢個仔出世, 到我地中七畢業後兩年, 班主任一家三口移民美國. 依家佢個仔大咗就返香港工作都幾年, 咁因此班主任都隔一兩年就返香港探個仔(順帶見其他親友)

我地問到點解佢個仔返香港做嘢, 原來其中一個頗重要原因係, 佢個仔認為當時佢冇得揀移唔移民(有數得計, 當時咪十歲未夠), 所以到大咗, 就決定返香港闖幾年, 睇下發展好唔好再諗下一步, 起碼係自己選擇.

ruudi11/12/2018 03:04
估唔到吸引到咁多版友上水。

假如香港仲係香港, 我其實係唔會考慮移民的。 我最遲都係10年後先決定走定唔走, 到時個仔17歲, 就會問下佢, 佢決定去外國就走, 佢決定留係香港可能就未必移民。

只要香港唔再差落去, 我都未必有決心要離開 (但10年後真係唔知咩情況, 2008年都冇諗過香港變成咁), 希望2028年, 香港人唔知會唔會係香港比人歧視 :85 (其實而家好多銀行高層都請緊大陸人, 我覺得此日不遠了....遲D香港人冇NETWORK, SALES 都做唔到, 剩係做waiter 招待同胞:XD)

whatapunch11/12/2018 03:11
[quote]原文章由 [i]耐人尋味[/i] 於 11/12/2018 10:06 發表


我未結婚亦當然沒有小朋友, 所以本來唔打算加把口, 不過見你講開又可以分享下:

大約半年前, 已移民美國多年的中一班主任回港探親, 一班舊同學羅漢請あ僖Z主任都隔一兩年就返香港探個仔(順帶見其他親友)

... [/quote]

其實英美澳加搵錢/機會係唔係真係無香港咁多?  我見好多人移民後都走返香港做o野.

不過移民後返香港做o野有個好處, 就係可以做個投機份子, 香港唔掂一買張機票就可以走 (我認我係衰仔).


查看完整版本: 作為父母, 點睇香港前境? 如果有得選擇移民, 你會點選擇?


Powered by Discuz! Archiver 4.1.0  © 2001-2006 Comsenz Inc.
Processed in 0.00331 second(s), 2 queries